6 - Ражаб, 1444 жыл.
     28 - Қаңтар, 2023 жыл.   


Уәсуәса

Зиянды болған күмән, шүбһә, жаман ой дегенді білдіреді.

       Құран кәрімде былай делінеді:

       «Жыннан шықса да, адамбаласынан шықса да, адамдардың көкірегіне (көңліне) уәсуәса беретін ханнастың (шайтанның) жамандығынан адамдардың Раббысына сиынамын.» (Нас сүресі)

       «Шайтан көңілге уәсуәса береді. Аллаһтың есімі зікір етілгенде, айтылғанда қашады. Айтылмаса уәсуәсасын жалғастырады.» (Хадис шәриф - Бәриқа)

       «Періштеден келетін илхам, Исламға сай болады. Шайтаннан келетін уәсуәса Исламнан айрылуға себеп болады.» (Хадис шәриф - Бәриқа)

      «Уәсуәса шайтаннан келеді. Дәрет алғанда, ғұсыл алғанда және нәжістен тазаланғанда шайтанның уәсуәсасынан сақтаныңдар». (Хадис шәриф - Бәриқа)

       Кір жуғанда, су қолданарда бұл су таза ма екен деп уәсуәса ету (күмәндану) уәра емес (тақуалыққа жатпайды). Сыддықтар бұлай уәсуәса етпейтін. Әр тапқан суларымен дәрет алатын. Киімінің, судың тазалығына уәсуәса ету рияға (мақтаншақтыққа) жол ашады және нәпіске ұнамды келеді. (Имам Ғазали)

       Халал жеген адам илхам менен уәсуәсаны бір-бірінен ажырата алады. Уәсуәса - дұға және зікір ету арқылы азайып жоқ болады. Уәсуәса мен илхам тұрақты болмайды. (Мұхаммед Хадими)