19 - Рамазан, 1445 жыл.
     29 - Наурыз, 2024 жыл.   

  Негізгі бөлім / Иман және Ислам / "Қиямет және Ахирет" кітабы / УАҺҺАБИ СЕНІМДЕРІ ЖӘНЕ ӘҺЛИ СҮННЕТ ҒАЛЫМДАРЫНЫҢ ОЛАРҒА БЕРГЕН ЖАУАПТАРЫ (6)

УАҺҺАБИ СЕНІМДЕРІ ЖӘНЕ ӘҺЛИ СҮННЕТ ҒАЛЫМДАРЫНЫҢ ОЛАРҒА БЕРГЕН ЖАУАПТАРЫ (6)

6) Кітабының жүз қырық екінші бетінде: «Сахабалар және олардан кейін келгендер пайғамбардан басқа ешкіммен берекеттенбеді. Пайғамбарға тән болған нәрселерде ешкім оған ортақ бола алмайды» деген.

Бұл да автордың өтіріктерінің бірі. Хазреті Омар жаңбыр дұғасына шыққанда хазреті Аббаспен берекеттенді. Мұны жиырма төртінші бөлімде ұзақ баяндадық. Сол жерден оқуыңызды сұраймыз! Ислам ғалымдары Расулуллаһқа тән болған нәрселерді көп жазған. Мысалы, «Мәуаһиб-и ләдунния» аудармасында бар. Бұл кітаптардың ешбірі «Расулуллаһпен (саллаллаһу алейһи уәсәлләм) берекеттену тек оған ғана тән, өзгелермен берекеттенуге болмайды» демеген. Басқалармен берекеттенуге болатынын айтқан. Аллаһу та'аланың сүйікті құлдарының қабірлерін зиярат етіп, олардан берекеттенуді Лат пен Узза пұттарына ұқсату Құран кәрім мен хадис шәрифтерге жала жабу болып саналады. Хадис шәрифте «Құран кәрімге қате мағына берген адам кәпір болады» делінген. Кітаптың авторы мағыналары күмәнді болған аяти карималарға қате мағына беріп, әһли исламға (мұсылмандарға) мүшрик деп жала жабуда.