Пайғамбарымыз Мұхаммед (саллаллаһу алейһи уә сәлләмді) бір рет болса да көріп, соқыр болса сөйлесіп, иман келтірген үлкен-кіші мұсылмандардың бірнешеуіне немесе одан да көбіне берілген есім. “Сахиб” сөзінің көпше түрі болып табылады. Құрметпен “Расуллуллаһтың құрметті және мүбәрәк достары” мағынасында “сахаба-и кирам” немесе “асхаби кирам” делінеді. Сонымен қатар олардың аты аталғанда “Аллаһу та’ала олардан разы болсын!” деген мағынада “радиаллаһу анһум әжмаин” деп айтылады.

Барлық ислам ғұламалары былай дейді: «Сахаба-и кирам “алеймурридуан” пайғамбарлардан “алейһимуссалауату уәттәслимат” кейін адамдардың ең абзалы, ең үстемдері.» Расулуллаһты “саллаллаһу алейһи уә сәлләм” бір рет көрген мұсылман көрмегендердің барлығынан, тіпті Уәйсәл Қараниден де әлде қайда үстем. Асхаби кирам “алейһимурридуан” Шамға барғанда, оларды көрген христиандар олардың халдеріне таң қалып: «Бұлар Иса алейһиссаламның хауарилерінен (достарынан) де үстем» деді. Ұлы ислам ғалымы Абдуллаһ бин Мүбәрәк “рахметуллаһи алейһ” былай дейді: «Расулуллаһтың “саллаллаһу алейһи уә сәлләм” қасында бара жатқан хазреті Муауияның (радиаллаһу анһ) мінген атының мұрнына кірген тозаң (келесі ұрпақтан болған) Омар бин Абдулазизден мыңдаған есе қадірлі.» (Имам Раббани)

Сахаба-и кирамның “алейһимурридуан” үстемдіктерін білдірген аяти кәрима мен хадис шәрифтер өте көп. (Имам Раббани)